روز شنبه ۱۴ اردیبهشت ۱۳۸۷ خبری با عنوان “اعتراض گسترده مردم تبریز به تحریف نام خلیج فارس” در سایت رادیو فردا به نقل از خبرگزای فارس منتشر شده بود که با بررسی های به عمل آمده جعلی بودن آن مشخص شد و رادیو فردا با اصلاح عنوان این خبر اضافه کرد که “همزمان، برخی منابع محلی و شاهدان عینی انتشار خبر اعتراض گسترده به تلاش برای تغییر نام خلیج فارس در این پیاده روی از سوی خبرگزاری فارس را رد و تاکید کرده اند که رویداد روز جمعه در تبریز، رویدادی صرفا ورزشی بوده است.”

فارسی کنونی به صورتي مصنوعي و فرهنگستاني ساخته شده - ناصر پورپیرار

اين زبان را در دربار سامانيان، با اهدافي كه به تشريح خواهم آورد، ساخته‌اند، پيش از قرن چهارم هجري هرگز نبوده است و درست به همين سبب، از همان زمان، بوميان ايران، آن را فارسي دري، يعني زبان رايج درباريان خوانده‌اند و در سراسر تاريخ اين سرزمين اين زبان جز در دربار و نزد شعرا و ديگر روابط فرهنگي رسمي و دولتي كاربرد نداشته است، و مردم، درست مانند امروز، با زبان‌هاي بومي خود، از تركي و گيلكي و مازندراني و كردي و عربي و بلوچي و لري رفع نياز كرده‌اند

تا پيش از مشروطيت، زبان فارسي كنوني در هيچ مكتب‌خانه‌اي به عنوان زبان دانايي آموخته نمي‌شد، آن را زبان محاوره و گفت‌و‌شنود و داد و ستد مي‌شناخته‌اند و زبان دانايي، از شروع تا پايان، از مكتب‌خانه‌ي ملاباجي، تا عالي‌ترين حوزه‌هاي علم و انديشه، زبان درخشان عرب بوده و اين خود حجتي كافي است بر ناتوانی ماهوي زبان فارسي در انتقال مفاهيم و معلومات عالم ساز

كتيبه هاي هخامنشي، با زبان بوميان اين نجد و با زبان فارسي كنوني بي ارتباط است؛ معلوم كرده ام در دوراني كه مورخين و شرق شناسان دغل، به غلط اشكاني شناخته اند، هيچ نشاني از حكومت و هويت و خط و زبان ملي ديده نمي شود و به زودي دركتاب ساسانيان معلوم خواهم کرد كه فقيرترين عهد ايران، به آن زمان ظهوركرده است. پس از آن همه ادله و اسناد محكم تر از سرب، كه هر ادعايي درباره‌ي خط و زبان و كتابت ملي پيش از اسلام را، از هستي و هويت ساقط مي كند، هنوز مي‌شنويم كه می‌گويند در قرآن واژه هاي فراوان فارسي يافت مي شود!!! بي اين كه پيشاپيش متني معرفي کنند و بياورند اثباتگر اين که پيش از اسلام، اصولاً خط و زبان و گنجينه‌ي لغت فارسي داشته‌ايم و يا لااقل ده واژه از آن لغات فارسي را كه مي‌گويند در قرآن آمده، به وضوح معرفي كنند

حالا اگر اجل امان دهد، در ورود به دوران پس از اسلام، خواهم گفت كه فارسي كنوني هرگز پيش از سلسله‌ي سامانيان نبوده و خواهم گفت كه اين همه دست به دامني و استمداد زبان فارسي از گنجينه‌ی لغت و قواعد زبان عرب از آن است كه فارسی کنونی به صورتي مصنوعي و فرهنگستاني ساخته شده، نه با بهره‌ از گنجينه‌ي لغت ملي و بومی مردم اين نجد. اين زبان را در دربار سامانيان، با اهدافي كه به تشريح خواهم آورد، ساخته‌اند، پيش از قرن چهارم هجري هرگز نبوده است و درست به همين سبب، از همان زمان، بوميان ايران، آن را فارسي دري، يعني زبان رايج درباريان خوانده‌اند و در سراسر تاريخ اين سرزمين اين زبان جز در دربار و نزد شعرا و ديگر روابط فرهنگي رسمي و دولتي كاربرد نداشته است، و مردم، درست مانند امروز، با زبان‌هاي بومي خود، از تركي و گيلكي و مازندراني و كردي و عربي و بلوچي و لري رفع نياز كرده‌اند، فارسي را زبان جانشين بومي خويش نشناخته‌اند و مگر در صورت نياز و برای رفع حاجت رسمی و دولتی خويش، به آن رجوع نداشته‌اند

بايد دست كم چندان پيشينه‌ي بحث را شناخت كه بدانيم تا پيش از مشروطيت، زبان فارسي كنوني در هيچ مكتب‌خانه‌اي به عنوان زبان دانايي آموخته نمي‌شد، آن را زبان محاوره و گفت‌و‌شنود و داد و ستد مي‌شناخته‌اند و زبان دانايي، از شروع تا پايان، از مكتب‌خانه‌ي ملاباجي، تا عالي‌ترين حوزه‌هاي علم و انديشه، زبان درخشان عرب بوده و اين خود حجتي كافي است بر ناتوانی ماهوي زبان فارسي در انتقال مفاهيم و معلومات عالم ساز بدين ترتيب اگر زبان گوهرين و تواناي عرب، كه در استحكام و قدرت آن همين بس كه بگوييم زبان قرآن است، تنها گزينه‌ي جهان پهناور اسلام بوده و هنوز هم هست، از آن روست كه هيچ فرهنگ و بيان و لغت ديگري قادر نبوده و نيست، كه جان‌مايه‌ي قرآن را جواب دهد، و اگر گروندگان به قرآن، زباني را گزيده‌اند كه قادر به انتقال مفهوم آن متن متين دوران ساز بوده، پس رفتاري عاقلانه و طبيعي در پيش گرفته‌اند، نه ناگزير و تحميلي اگر اين مختصر هنوز كفايت نمي‌كند، كافي است كه معترض، لغات عربي را در گفته‌ها و نوشته‌هاي روزمره‌ي خويش بشمرد، تا معلوم او شود كه تمامي واژگاني كه بار بيان را به مقصدي مي‌برد، عربي است و شرمساري بزرگ‌تر اين كه حتي با كوشش بسيار نيز به علت فقر بنياني زبان فارسي، نمي ‌توان در جاي هيچ يك از آن کلمات عرب معادلي نشاند، كوششي كه ده‌ها خيال‌پرداز، از كسروي تا دكتر حسين روحاني، در تجربه‌ی آن ناموفق و ناكام ماندند اين تكيه ی زبان فارسي به لغت عرب، شامل حروف و اوزان و دستور آن زبان نيز مي‌شود و هر كلام منثور و يا منظوم به اصطلاح فارسي، چيزي جز كپي‌برداري از قواعد بيان، تقليد اوزان و صورت حروف عربي نيست. اگر كسي توانست در جاي همين دو واژه‌ي «منثور» و «منظوم» جاي‌گزيني توانا به فارسي بياورد، كه به شمايل جمله‌اي درنيامده باشد، من سخن خويش پس خواهم خواند و اگر نتوانست همان بس كه شرمساري كشد اگر زباني از هستي و هويت دروني خويش سيراب شود و اگر در ميان مردمي با پيشينه‌ي فرهنگ كهن ثبت باشد، براي عرض اندام و اظهار وجود، مجبور به اين همه رجوع و سجود در پيشگاه زبان ديگر نمي‌شد. به حق و صبر بکوشيم و توصيه کنيم. تا بيانی ديگر. والسلام

قایناق گون آذ 

  صابير روستمخانلي ايرانين ديني ليدئرينه مکتوب يازيب: "بو ميلتدن و آللاهدان قورخون"

کوچورن: اویرنجی امکداشلاری

  خالق شاعيري، ميللي مجليسين دئپوتاتي صابير روستمخانلي ايران ايسلام رئسپوبليکاسي نين ديني رهبري آيت الله سيد علي خامنه اييه آچيق مکتوب يازيب. پارچالانميش دونيا آذربايجانليلاري کونقرئسي نين بير بؤلومونونون داک صدري کيمي تانيديغي ص. روستمخانلي نين مکتوبو «525-جي قزئت»ين بوگونکو ساييندا درج اولونوب. مکتوبو «مئديا فوروم» اوخوجولاري نين دا ديقتينه چاتديريريق.

  حؤرمتلي جناب خامنه اي!

  عؤمرون ائله ياشي گلير کي، اينسان اؤزوندن وظيفه جه يوخاريداکيلارين، اونا حؤکم ائده نين هئچ بيريني گؤرمور، باشي نين اوستونده تاج-تاختلار، پرئزيدئنت مؤوقعلري اولسا دا، نه حؤکمدار غضبي نين، نه جللاد قيلينجي نين هئچ بير معناسي قالمير، دونيانين بير-بيريندن او قدر ده چوخ فرقلنمه ين وارييلا يوخونون، آغاليقلا قوللوغون فؤوقونده اولان بؤيوک يارادانلا اوز-اوزه اولدوغونو گؤرور، اونا قوووشماغا حاضيرلاشير.

  بير دفعه  گنج ژورناليستلر مندن سوروشموشدولار: «سيزجه، اينسان اؤلنده نييه آغلامير؟» جاواب وئرميشديم کي، "يقين آنلايير کي، آللاه گؤز ياشلارينا اينانمير. اونو دا گؤرورلر کي، ايتيرديکلري تاپديقلاري نين يانيندا هئچ بير شئيدير."  

  بيزيم بئله بير ياشيميزدير! بو دونيادان چوخ، آللاه قارشيسيندا وئره جگيميز حساباتي دوشونمه ليييک. آنجاق او حساباتين يالنيز شخصي عمللريله باغلي اولدوغونو دوشوننلر يانيليرلار. هر بير اينسان فرد اولماقلا ياناشي هم ده جمعيتين بير پارچاسيدير؛ اؤزويله ياناشي ياشاديغي دونياني، کئچيب گئتديگي يولو و او يولون اطرافلاريني دا فيکيرلشمه ليدير؛ «من اوروجومدان، نامازيمدان قالماميشام» دئمکله آرادان چيخماق اولماز: پيس دئييلسن، آنجاق پيسليکلره دؤزموسن، قانيچن دئييلسن، آنجاق قانيچنلر موحيطي نين ايشتيراکچيسي اولموسان... - بونلارين دا حساباتي نين آپاريلاجاغيني سيز مندن ياخشي بيليرسينيز.  

  من دين خاديمي دئييلم، آنجاق آللاه آدامييام. سايسيز-حسابسيز آللاه، قوران، پئيغمبر آديندان دانيشان، آما اصلينده جهالت مداحلاري وار کي، آللاهلاريندان خبرلري يوخدور، شئيطانا خيدمت ائديرلر.  

  اصليم-نسليم کيمي، اؤزوم ده حالالليغي و ايمانلي اولماغي اينسانليغين اساس کئيفيتلريندن بيري حساب ائتميشم، ميلتيمه و اينسانلارا خيدمتدن باشقا بير يول تانيميرام. اوشاقکن يايلاقدا بؤيوکلريم منه تيکانلي مفتيللرين آراسيندان «او اوزده کي »، يعني «سيزين» طرفده کي  موقدس ساوالاني، اونون اتگينده کي  اردبيلي گؤسترير و او شهرين ايچينده کي ، ايتي گؤزله آيدين سئچيلن شيخ صفي مقبره سيندن دانيشارديلار. بونا گؤره ده ائله او ياشلاريمدا دامارلاريمدا خطائينين قاني نين دولاشديغينا اينانميشام. آللاهيما يالوارميشام کي، منه بابکين، نسيمي نين، گنجه لي جاواد خانين، ستار خانين، شيخ محمد خياباني نين، فيرودين ايبراهيمي نين طالعيني قيسمت ائله سين، مني اونلارين مکتبي نين شاگيردي کيمي يئتيشديرسين.  

  بونا گؤره ده 1988-جي ايلده قوزئي آذربايجان ايرتيجايا و ايشغالا قارشي قالخاندا، «آزادليق» و «بوتؤولوک» سؤزلري ميليونلارلا اينساني آياغا قالديراندا من اونلارين اؤن سيراسيندا، کورسوديديم و سئوينيرديم کي، خالق منه اينانير.  

  آنجاق بو گون بونلارين هئچ بيري تسللي اولا بيلمز. هم بو دونيادا، هم ده او دونيادا وئره جگيميز حساباتين اساسي بو دئييل!  

  بو گون داغليق قاراباغين 6 و اونون اطرافينداکي 7 رايونون موسلمان و تورک دونياسينا دوشمن اولان تئررورچو ائرمني قانيچنلري نين الينده اولدوغونو دوشوننده، چاديرلاردا، واقونلاردا، زيرزميلرده ياشايان، 20 ايلدن بري ائو-ائشيگيندن قووولموش 1 ميليون قاچقينيميزي، بير تيکه چؤرک دالينجا يوردوندان ديدرگين دوشوب آوروپاليلارين قاپيلاريندا نؤکرچيليک ائدن باجي-قارداشلاريميزي، شهيد ارلري نين ياديگارلاريني دولانديرماق اوچون قوربت يوللارينا سپلنميش قادينلاريميزين جاوانکن کوله دؤنموش صيفتلريني گؤرنده اؤزومو ده گوناهکار ساييرام.  

  ايرانين شيماليندا زلزله اولاندا اردبيله گئتميش، اينديکي جومهورباشقانينيز، او واختکي اردبيل اوستانداري آغاي احمدي نژاددان داغيلميش کندلره باش چکمک ايجازه سي آلاراق، داغ اتگي کندلري گزميشديم. داغيلان ائولرين يئرينه قيرميزي کرپيجله ايکي اوتاقلي بالاجا ائوجيکلر تيکيليردي. داغيلانين يانيندا شوکورلويدو. چونکي ييرمي يوزيلين سونوندا آنجاق قازمالاردان عيبارت کندلري نئجه تصوور ائتمک اولار، بونا ياشاماق دئمک مومکوندورمو؟ بو قدر ثروتي اولان ايرانين کندلري بو کؤکده اولماليديرمي؟  

  اورگيمده دئديم: «شوکور سنه، ايلاهي! سن بو زلزله ني ائلميسن کي، ميلته اوتانج يئري اولان بو قازمالار داغيلسين، آداملار گون ايشيغينا چيخسين». آللاه دؤزور، دؤزور، اينسانين اورگي نين داشا دؤندويونو گؤرنده قراريني وئرير...  

  ايشغالچي و تئررورچو ائرمنيستانا آمئريکا، روسييا، فرانسايلا ياناشي ايراندان دا يارديم، نئفت، گاز، ارزاق گؤندريلديگيني ايلک دفعه  ائشيدنده ده اورگيمدن بئله بير هاراي قوپموشدو. اسير دوشموش شيعه-تورک قارداشلارينيزين بدن حيصه لرييله آلوئر ائدن ائرمني دللاللارييلا ال وئريب آنلاشان، ماشين باغيشلايان، حيمايدارليق ائدن، قاراباغدا قانيميز چيلنميش ائولريميزي ائرمنيلرله برابر تالايان، پايلاشان، آغير گونلريميزده توربا-توربا پوللا سرحد رايونلاريميزدا چؤرکسيز، چاره سيز قالان عاييله لردن بوتون زيقيمت اشيالاري سو قيمتينه آليب ياد ائللي دللاللارا ساتان، اونلارين مدنيتي نين مالي ائدن ايران آلوئرچيلرينه باخاندا يئنه او زلزله ني خاطيرلاييرام.  

  هر شئيي، حتّی ميلتي نين ناموسونو، دينيني ده پارايا قوربان وئرن اؤلو روحلاري، ماغارا شوورلولاري خيلاص ائدن باشقا بير زلزله اولاجاق يقين! هر دوشکونلوگون بير سونو وار!  

  منجه، سيزلر او تايدا، بيزلر بو تايدا بوتون بونلارا گؤره آللاه قارشيسيندا نه جاواب وئره جگيميزي دوشونمه ليييک. چونکي موسلمانين حاقسيزليقلارا دؤزمه سي اونون مسئوليتيني داها دا آرتيرير.  

  من آذربايجان رئسپوبليکاسي نين مطبوعات و اينفورماسييا ناظيري اولاندا گنج دؤولتيميزين ايلک رسمي نوماينده لريندن بيري کيمي بؤيوک شهريارين يوبيلئيي و تهران بين الخالق کيتاب سرگيسينه گليشيمده سيزينله اوچ دفعه  گؤروشموش، باکيدا آذري تورکجه سينده بوراخديغيميز ديرلي «هونر» کيتابينيزا اؤن سؤز يازميشام. آرادان خيلي واخت کئچيب، بونلار يادينيزدا قالماز.  

  شهرييارين يوبيلئيينده ايقامتگاهينيزدا بيزي قبول ائدرکن «من ده تورکم، ايسته ييرسينيز تورکجه دانيشاق، ايسته ييرسينيز فارسجا» - سؤيله ميش، سونرا شهرييارين «حيدربابايا سالام»يندان ازبر پارچالار دئميشدينيز. آنا ديليميزده دئديگينيز بير نئچه جومله و سؤيله ديگينيز شعر بندلري قوناقلارينيزا بؤيوک هدييه نيز ايدي. شوکور، تهراندا، تبريزده، اورمييادا، همداندا تورکجه نين حسرتيني چکميريک، آنجاق يوکسک رسمي دايره ده دينله ديگيميز بو سؤزلر اؤلکه حاقيندا تصوورلريميزي دييشيردي.  

  کيتاب سرگيسينده ده بيزه دئميشديلر کي، سيزين واختينيز آزدير، آذربايجان کؤشکونه ياريم، يا بير دقيقه  واخت آييرا بيلرسينيز. آنجاق سيز بيزيم يانيميزدا 20 دقيقه يه ياخين واخت کئچيردينيز، آيري-آيري کيتابلارلا ماراقلاندينيز. آيريلارکن ايسه سيزه کؤشکوموزون هدييه سيني وئرديم و دئديم: «سيزه اوچ کيتاب باغيشلاييرام. بيرينجيسي، يانليش اولاراق «ايران ادبياتي» آدلانديريلان ادبياتين 800 ايل اؤنجه ان اوجا زيروه سيني يارادان تورک اوغلو نيظامي گنجوي نين «خمسه»سينه چکيلميش مينياتورلر، ايکينجيسي سيزين ده «اوستاد» دئديگينيز و 800 ايل سونرا يئنه «ايران ادبياتي» دئييلن سؤز صنعتي نين ادبياتين ايکينجي زيروه سيني ياراتميش باشقا بير تورک اوغلو شهرييارين کيتابي، بير ده بو زيروه لرين اتگينده چاليشان بنده ي-حقيرينيز، يعني منيم آذربايجاندا چوخ اوخونان بير اثري – "عؤمور کيتاب".  

  سيز «عجب قونشولوقدور» - دئيه رک شهرييارين بالاجا کيتابيني اؤپدونوز، منيم کيتابيملا ماراقلاندينيز. دئديم، آذربايجاني تانيتماق مقصديله يازميشام، تاريخيميزه، بو گونوموزه، بير حيصه سي ده شاه رئژيمي نين گونئي آذربايجان سيياستينه حصر اولونوب. سيز، «کاش عرب اليفباسييلا اولايدي، بيز ده اوخويايديق» - دئييب آيريلدينيز.  

  باشقا بير کيتابيمدا بو گؤروشوموز حاقيندا صميميتله يازيلميش صحيفه لر وار.  

  ايندييه دک يادداشيمدا او جور، رسميتدن کنار، ايشيقلي، خيرخواه و ميللي کيمليگي نين فرقينده اولان بير آدام کيمي قالميسينيز.  

  من ده او بؤيوک زيروه لرين بؤيور-باشيندا مظلوم ميلتيمين سارسيلماز روحوندان و عدالتسيز دونيانين بيزي قارشيلاشديرديغي فاجيعه لريندن يازيرام. آذربايجانين خالق شاعيري، ميللي مجليسين دئپوتاتييام. بير ميللي وظيفه م ده وار کي، دؤولته، پارلامئنته عاييدياتي يوخدور، ازيتدن باشقا آداما هئچ نه وئرمير، آنجاق من اونو شرفلي بير ايش کيمي، وطنداشليق بورجو کيمي قبول ائتميشم - او دا دونيا آذربايجانليلاري کونقرئسي نين باشچيلاريندان بيري، ايندي صدري اولماغيمدير.  

  بو مکتوبومو دا محض دونيا آذربايجانليلاري کونقرئسي نين يؤنتيچيلريندن بيري نين - بير تورک، آذربايجان ضياليسي نين اورک سؤزلري کيمي قبول ائتمگينيزي خواهيش ائديرم.  

  بيليرم کي، بو مکتوب هئچ نه يي دييشميه جک، آنجاق اؤزونو ايسلام جومهوريتي سايان ايراندا آپاريلان و منجه، ماهيتينه گؤره آنتي تورک و آنتي اينساني اولان سيياستين بير-ايکي مقامينا ايشيق سالماقلا بير آز يونگوللشه جگم. ظولمو و يا حاقسيزليغي گؤروب سوسماق دا او ظولمو ائله ينه شریک اولماقدير!  

  حؤرمتلي جناب خامنه اي!  

  اگر دئسم کي، هر گون تئلئويزوردا گؤردوکلري مينلرله اينسانين عؤمرونو قايچيلايير، چوخلاري نين فيکريني ايفاده ائتميش اولارام. هر گون عيني گؤرونتو: آوروپا گئنيشلنمکده، سرحدلري گؤتورمکده، اَيلنمکده، اينسانلارين داها ياخشي ياشاماسي اوچون ايمکانلار آرامادا، طبيعتين، ائکولوگييانين، يئر کوره سي نين قايغيسيني چکمکده، تئخنولوگيياني اينکيشاف ائتديرمکده، اؤزلري اوچون دوزلوک، نيظام، عدالت گزمکده، بوتون موناقيشه لري ماسا آرخاسيندا چؤزمک يولونون آلتئرناتيوسيزليگيني درک ائتمکده (100-150 ميليون اينساني قوربان وئرن ايکينجي دونيا ساواشيندان سونرا اولسا دا)، مدنيت و صنعت فضيلتلري نين پئشينده و ساير. شرق، خوصوصاً موسلمان دونياسيندا ايسه ساواش، داخيلي چکيشمه لر، تئررور، حاکيميتدن اون اللي ياپيشميش، بالاجا «يئر آللاهلاري» (آللاه مني باغيشلاسين)، ساوادسيزليق، جهالت، آجليق، خسته ليک، اينساني حشراتا چئويرن دئسپوتيک رئژيملر، تانري نين وئرديگي ثروتلري خالقدان گيزله ديب آوروپا بانکلارينا آخيدان و اورادا دا عياشليقدان، قوماردان باشلاري آچيلمايان ناظيرلر، اوليقارخلار، شئيخلر، شاهزاده لر، ائولرينده جللاد، آنجاق خاريجده ال قوزولاري اولانلار، دين پرده سي آلتيندا شووينيزم، مذهب پرده سي آلتيندا موستملکه چيليک و ساير...  

  دونيا مدنيتي نين بئشيگي اولان شرق - بيزيم يورد-يووالاريميز بو گونده، چوخ شئيي بيزدن اؤيرنن آوروپا ايسه او سويييه ده! تخميناً يوز اللي ايلدير ايرانين، آذربايجانين، تورکييه نين، اورتا آسيا و روسييا موسلمانلاري نين گؤرکملي فيلوسوفلاري، عاليملري بو نورمال اولمايان، موسلمانا اوتانج گتيرن وضعيتي موذاکيره ائليه رک چيخيش يوللاري آختاريرلار. آنجاق وضعيت دييشيلمير، فرق داوام ائدير.  

  تئهرانين اينکيشافيني، ايراندا گؤردويوم تئخنولوژي دييشمه لري، تورکييه دئموکراتيياسيني، پاکيستاندا آتوم سيلاحي نين مؤوجودلوغونو، راکئتلري، زاوود و فابريکلريميزي ميثال گتيريب منه اعتيراض ائدن تاپيلاجاق.

  بو سؤزلري من، سيزين «سحر» تلويزياسينين دئييلديگي کيمي، «ايران دوشمني» اولاراق يوخ، ايسلام عالمي نين تعصوبونو چکن، اؤز ميلتيني سئون، دوشمنيندن باشقا هئچ کيمه دوشمن اولمايان بير اينسان کيمي دئييرم.  

  حقيقت آجيدير!  

  آوروپا ايله موسلمان شرقي آراسيندا فرق او قدر بؤيويوب کي، اونو آرادان قالديرماق اوچون يوز ايللر لازيم گله جک. او دا آييلماق، اؤزوموزو توپلاييب کؤهنلميش ورديش و موناسيبتلر سيستئميندن ال چکمکله اولا بيلر.  

  100-120 ايل اؤنجه ياشاميش بابالاريميز بيزدن داها جسارتلييديلر. اونلار غربين بيردن-بيره ايره لي چيخماسيني ايسلام ديني نين بعضي خوصوصيتلري، مؤوهومات و ساوادسيزليقلا باغلاييرديلار. بري باشدان دئييم کي، اونلارين هئچ بيري دينيندن اوز دؤندرمه ميشدي، هر بيري ايسلامين داها موترققي دين اولدوغونو دئيير و تبليغ ائديردي، هر بيري «قوراني-کريم»ي اينديکي ديندارلاردان داها ياخشي بيليردي. آنجاق محض ساکيت عاغيللا، تعصوبکئشليکله، اؤز خالقلاري نين گله جگيني دوشونه رک، ساختاکارليق ائتمه دن، اورکلرينده کي ني ديله گتيريرديلر.  

  اساس دليللري ده بو ايدي کي، آوروپا چوخ چتين موحاريبه لردن، اينکيويزاسييالاردان کئچيب سوندا دي نين صلاحيتلريني موعينلشديره بيلدي: دين اينسانلا آللاه آراسيندا بير کؤرپو اولاراق قالدي، موقدسليگيني، ايلاهي جاذيبه ني قورودو، ايمتييازلاريني آشمادي، جمعيتين باشقا ايشلرينه - دونيوي ايشلره قاريشمادي، بو گونون حيات طرزيني 1400-2000 ايل بوندان اؤنجه نين پرينسيپلرييله قورماغا چاليشمادي؛ گونده دييشيلن قانونلارين، علمدن، سيياستدن، مال-مولک مسئله لريندن توتموش، ايمکان بؤلگوسونه قدر - هر شئيده اؤزلريني موعاصير دونيانين مأمورلاري نين سوييه سينه ائنديرمه دي.

  حضرت پيغمبر «بير امرده شوبهه اولورسا، عاغلينيزلا حل ائدين» دئيه موسلمانين قارشيسيندا علمدن قانونا، دؤولتچيليکدن کوسموسا اوچوشا قدر سونسوز ايمکانلار آچيب، آنجاق دونيا ايشلرينه آز قاريشيب؛ عربلري بيرلشديرمک ماراغي اولماسا، قيلينجا دا ال آتماياجاقدي. آنجاق اينديکي «اولمالار» بشريتين 1400 ايله کئچديگي يولو يوخ ساييب، يئنه اوشاقلاريميزا «يئددينجي يوزيلين قايداسينا، هم ده عرب قايداسينا اويغون گئيينيب-کئچي نين، ياشايين» - دئييرلر.

  آللاهين اينسانا وئرديگي فيکير و ويجدان آزادليغينا بو کور موداخيله ني گؤرمه مک ايسلاما صداقت علامتي دئييل. عکسينه، بو دا سيياستدير، آنجاق دين سياستي يوخ! رياست دللاللاري نين، پارا و ماديات دوشکونلري نين، باشقا ميلتلري قول ائتمک ايسته ين عرب، فارس شووينيستلري نين سيياستيدير... عوثمانلي دئميرم! چونکي ايسلامين بايراغي مين ايل تورکون الينده اولاندا نه عربين عربليگيني اليندن آلدي، نه فارسين ديلينه، مدنيتينه، روحونا توخوندو.  

  بوتون بونلاري 150 ايل اؤنجه خامنه لي ميرزه فتحعلي آخوندزاده دن باشلاياراق، حسن بي زردابيلر، شئيخ جمالدين افغانيلر، ايسماييل قاسپيراليلار، علي بي خسينزاده لر، احمد آغااوغلولار، عليمردان بي توپچوباشيلر، محمد امين رسولزاده لر، صابيرلر، جليل محمدقولوزاده لر، معجوزلر يازيبلار. دؤنه-دؤنه و گوذشته گئتمه دن! آنجاق ايندي بيز دئيه بيلميريک. حاقي سؤيليه ني دينين و ايسلامين دوشمني اعلان ائديرلر. دئمه لي، 150 ايلده اؤزونو ايسلام موجاهيدلري سايانلار ايره لي گئتمکدنسه گئري گئديبلر.  

  دينيميزين جمعيتله علاقه لري، تأسوف کي، آجيناجاقلي حالدادير. بير-ايکي ميثال چکيم: بير مجليسده اونلارلا علم، صنعت خاديملري نين، دونيا ديللريني بيلن، بوتون سيويليزاسييالاردان خبردار آداملاردان يوخاريدا اوتوران آخوند، ايمام، قاضي، - فرقي يوخدور،- مقصدي بللي اولمادان يهودي ميفولوگيياسيندان و يا تؤوراتدان ائشيتديگي حديسلري اوج-اوجا جالاييب دانيشير: يعقوب پئيغمبر، يوسيف پئيغمبر، ايبراهيم پئيغمبر، نهايت، موسي پئيغمبر... هر کسين دفعه لرله ائشيتديگي حديثلري ساوادسيز بير شکيلده تکرارلايير. اونا قولاق آسان اولماديغيني گؤرنده ايسه مجليسه ايراد توتور. مجليس دين خاديمي اولدوغونا گؤره دؤزوب دورور، آما بو يئرده دؤزمور. کيمسه: «هؤرمتلي قارداشيميز، سن هله فيرعونلار دؤوروندن، يهودي پئيغمبرلريندن دانيشيرسان، گليب ايسلاما چيخماميسان کي، قولاق آساق. هم ده نظره آل، بيز ده ميلتيک، بيزيم ده بو گون دانيشيلاسي مين بير درديميز وار» - دئيير.  

  ايکينجي مجليس. خاريجده، بلکه ده قومدا تحصيل آلميش ديللي-ديلاور بير آخوند، باشيندا چالما، اَينينده ابا، ايسلام ديني نين فضيلتلريندن دانيشير. يئنه چوخلو تانينميش علم، صنعت آداملاري اوتوروب. آخوند مجليسه خوش گلسين دئيه «قوران»دا علمدن، طبيعت حاديثه لري نين دقيق ايفاده سيندن، حتّی آتومدان بحث ائديلديگيندن دانيشير. اوتورانلار هاميسي عاليمدير - قوراندا گيزلي، سيمووليک دئييلنلرين اوستونده اولان علمي کشفلرله مشغول اولان آداملاردير. اوتورانلار باشقا شئيين قايغيسيني چکير: نييه بئله اولدو؟ قوران بوتون کشفلري، ائلم يوللاريني گؤستردي. ايسلامين تورک، فارس، عرب آيري سئچکيليگي قويماديغي چاغلاردا يسويلر، بيرونيلر، فرابيلر، ايبن سينالار، اولوقبيلر، نصرالدين طوسيلر چاغداش علملرين آچاريني بولدولار، آما سونرا بو آچار موسلمان حاکيملرين عيش-عيشرت، حرمخانا و طايفا ماراقلاري نين آغوشوندا محو ائديلدي. آما غرب اونلارا صاحیب چيخدي، منيمسه دي و بو گون اؤز مالي کيمي بيزه قايتارير.  

  اونلارلا باشقا ميثال چکه بيلرم کي، ايسلامين جمعيتله ايليشگيلري نين بو شکيلده معناسيز، تاثيرسيز بير شئيه چئوريلديگيني تصديق ائتسين.  

  آما آغير گونلريميزده کوچه لره آخان مينلرله گنجين وار سسله دئديکلري تکبير هاميني يئريندن اويناتدي. بلي، آللاه بؤيوکدور. بيز اونسوز دا اونا باغليييق. آنجاق اونونلا آراميزا زاوالي، اله باخان، اوغرو، يالانچي، ناتميز، گئييم-کئجيمي عئيبجر، ديلي سؤز توتمايان، عربي ده، تورکو ده بيلمه ين و يا اؤز ميلتييله پوزوق فارس عيباره لرييله دانيشان دين شارلاتانلاري گيرنده اينسانلار چاشيب قالير.  

  بو، نه واختا قدر داوام ائده جک، بو يول ايسلامي هارا آپارا بيلر؟  

  بؤيوک روس يازيچيسي و فيلوسوفو لئو تولستويون ايسلام حاقيندا دوشونجه لريني و ايسلاما اولان بؤيوک باغليليغي حاقيندا يازيلاريني واختيله باش رئداکتورو اولدوغوم «آذربايجان» قزئتينده چاپ ائلميشديم. سونرا بالاجا بير کيتابچا حاليندا ياييليب.  

  آوروپادا، دونيانين هر يئرينده باشقا دين خاديملري آراسيندا ايسلامين ديريني بيلن، سونونجو و ان موترققي دين کيمي اونو سئون و حتّی اونو سئچيب موسلمان اولان اينسانلار چوخدور. آما اونلار قورانين فلسفه سيني، آللاهين بيرليگي و آللاهلا اينسان آراسيندا ساده، بيرباشا رابيطه  نين گؤزلليگيني سئچيب بو يولا گليرلر. تأسوف کي، سونرا بونون دالينجا ايسلام دونياسينداکي احکامچيليغي، جهالتي، پارچالانمالاري، مذهب داوالاريني، دينين سيياسته قوللوق ائتديگيني؛ گئريليگي، بير دسته نين آللاهسيزجاسينا وارلانديغي حالدا اهالي نين بؤيوک حيصه سي نين آج و ديلنچي وضعيتينده اولدوغونو، يوخسوللوغو، هارامي، ايجتيماعي و معنوي اخلاقسيزليقلاري دا گؤرورلر.  

  بير واخت ايسلام دونياسي نين اوستونه وحشي، داغينيق آوروپانين پارابئيين ريتسارلاري، آت اوستونده و قيلينجلا گلميشديلر؛ بو گون يئره و گؤيه حاکيمليک ائدن خريستيان دونياسي دئموکراتيياني و اينسان حاقلاريني يايماق، ميللي آزليقلاري مودافيعه  ائتمک و تئررورلا موباريزه آدي آلتيندا گلير و ائولريميزين ايچيني ده گؤرن تئخنولوگيياسي وار. نييه بيز بو گوندگيک و بونون گوناهکارلاري کيملردير؟  

  دين اينسانين او دونياسيندان چوخ، بو دونياسينا لازيمدير. قديم دينلردن باشلاياراق تا ايسلاما قدر - دينلر تاريخي نين عومومي کاميللشمک، تکميللشمک و اينسانا ياخينلاشماق مئيلي ده محض بو عاميلله باغليدير. آللاهيميز بير اولا-اولا، دييشيلمز و ابدي اولا-اولا دينلر کاميللشيرسه، دئمه لي آللاهلا اونسيتين تاريخه و زامانا اويغون يئنيلشمک ايمکاني توکنمه ييب. دئمه لي، دينه احکام کيمي باخيب، اونون زامانين طلبلرينه اويغون شرح و تطبیقي نين سادلشديريلمه سينه مانع اولماق دا، اصلينده، آللاها آپاران يوللاري، مجازي معنادا دئسک، طياره و راکئت عصرينده، کاروان يولو سويييه سينده ساخلاماقدير.  

  بوتون بونلاردان سونرا من اساس مطلبين اوستونه گليرم. يوخ، من غرب دوشمني ده دئييلم. غرب مدنيتيني، دئموکراتيياسيني، اينسانا و خالقلارا ياراديلميش حؤرمت موحيطيني، خالق سئچيمينه اساسلانان دؤولتچيليک پرينسيپلريني سئويرم. اؤزلري اوچون جنّت ياراديبلار، تولئرانتليق، آزادليق، آوروپالي اولماسييلا قازانديغي ايمتييازلار ديرلي ايشلردير. واختيله بونا بنزر بير هاوا، ائلم، مدنيت، معنويات اينتيباهي بوتؤو ايسلام عالمينده ده واردي. آنجاق بير-بيريني عوض ائدن دئسپوتيک رئژيملر ايسلام دونياسيني پارام-پارچا ائتدي. بو گون همين رئژيملردن بيري ده ايراندادير.  

  ايران ايسلام رئسپوبليکاسي تورکلرين 6-7 مين ايلليک وطنيدير. تورپاقلاري قانيميزلا يوغرولموش بير يورددور. آنجاق بو گون ايران اونون بير کونجوندن باش قالديرميش فارسلارين وطنينه چئوريليب، خريته لرده «پئرسييا» سؤزونو بوتون ايران بويو يازيرلار. حالبوکي فارس ويلايتي نين سرحدي معلومدور. آذربايجان اراضيلريندن تاپيلميش ميثيلسيز مدنيت نومونه لريني دونيايا فارسين مالي کيمي تقديم ائديرلر.

  ايران مطبوعاتيندا گئدن و بوتون ايران تورکلريني غضبلنديرن شکيللرين بيريني ده من گؤرموشم - سيز ده گؤرموش اولارسينيز. نه قدر آغير اولسا دا، يادا سالمالييام: اردبيل اوزونقولاغي تهرانا ياخينلاشديقجا دال آياقلاري اوستونده قالخير، قددي دوزه لير و تهراندا آدام اولور. ايران مطبوعاتي نين دؤولت طرفيندن دستکلنن و يا دستکلنمه ين ياناشماسي بئله دير. بوتون اردبيلليلر و اونلارا قونشو اولان بيزلر، ايران تورکلري بو شکلي ساکيت قبول ائده بيلرلرمي؟  

  من ميلتيمين سؤز عسگرييم و بو معنادا يازديقلاريمي داهي سؤز گئنئراللاري نين يوز ايللر بويو بيزيم بئينيميزه زورلا يئريديلميش «گولوستان»لاريندان اؤز خالقيم اوچون داها ديرلي ساييرام. چونکي منيم ميلتيمين بو گون او «شکر ديله» احتيياجي يوخدور. او اثرلر يوز ايللرله بئينيميزه زهر دولدوروب؛ او فلسفه و دونياگؤروشو بو گون منه موزه اشياسي تاثيري باغيشلايير. قييمتي ميلياردلارلا اؤلچولسه بئله، منيم ميلتيمين ياراسينا علاج ائلمير. آنجاق من خالقيمين دردينه درمان آختاريرام.

  ايسلام دونياسي نين بو گونه قالماسيندا گوناهکار اولانلاردان بير قيسمي ده ائله مونارخيياني، حؤکمدارلاري اؤين، اونلارا ايطاعتکارليغي بير خوشبختليک سايان، حتّی لازيم گلنده اونون يولوندا ناموسوندان کئچمگي تلقين ائدن، دونيانين پادشاهلارا قوللوق گؤسترمکله دوزله جگينه اينانان و اينانديران، قورانا ضيد اولاراق ظولمله باريشماغي تبليغ ائدن، سوسماق و بويون اَگمک اخلاقيني ترننوم ائدن بو کيمي اثرلر يوز ايللر بويو شرق ايجتيماعي فيکري نين اؤزگينه چئوريلميش، مکتبلريميزين اليفباسي اولموشدور. بو باخيمدان او کيتابلاري يازانلار دا، تبليغ ائدنلر ده آخيرت گونونده آللاه قارشيسيندا جاواب وئرمه لي اولاجاق.  

  حؤرمتلي جناب خامنه اي! 

  ايسلامي دريندن بيلن سيزين کيمي شخصيته موقدس کيتابيميزدا آللاهين ياراتديغي هر بير اينسانا، جمعيته و خالقا هانسي موناسيبتله ياناشيلديغيني، هانسي حاقلار تانينديغيني و بو حاقلارين پوزولماسي نين آللاه طرفيندن نئجه جزالانديريلديغيني خاطيرلاتماغا احتيياج گؤرمورم.  

  ايسلام - يئر اوزونده ازيلن، حاقي اليندن آلينان، ظولمه، عدالتسيزلييه دوچار اولان مظلوم اينسانلارين ديني و اوميد يئريدير.  

  تأسوف کي، گئتديکجه داها چوخ سياسي لشن ايسلامي ايلک نؤوبه ده اونا سيغينان مظلوملارين قنيمينه چئويريرلر. طبيعي کي، من بوردا ايسلام دئينده اونو الده اساس توتوب، اونون گوجوندن ايستيفاده ائديب اؤز حاکيميتلريني و منصب پرست نيتلريني حياتا کئچيرن شووينيست، دئسپوتيک حؤکمدارلاري و دين دللاللاريني نظرده توتورام. قوراندا اينسانلارين و ميلتلرين حاقلاريني اينجله ين اونلارلا شرح، آراشديرما مؤوجوددور. سايسيز-حسابسيز تصويرلرين اکثريتينده موقدس کيتابيميزدا اينسان حاقلاري نين نه درجه ده يوکسک توتولدوغو، موقدس کيتابيميزدا آللاهين اؤز ياراتديغينا وئرديگي دير دفعه لرله قئيد ائديلميشدير. 

  قورانين اوليندن آخيرينا قدر اينسانين آللاه قارشيسيندا مسئوليتي خاطيرلاديلير، اوندان اؤز يئريني بيلمه سي، آللاهينا باغلي اولماسي طلب ائديلير. بو، دولايي يوللا اينسان لياقتي نين اوجا توتولماسينا چاغيريشدير. چونکي لياقتي اولمايان آللاهينا لاييق اولا بيلمز. تأسوف کي، بير سيرا ايسلام اؤلکه لرينده اينساني آللاها ياخينلاشديرماق، اونون بؤيومه سينه يارديم ائتمک عوضينه، اونو ازمک و کيچيلتمک يولو توتولور. آنلاميرلار کي، بو يوللا ايمان اهليني اؤز يارادانيندان اوزاقلاشديريرلار. آللاها خيدمت ائتميرلر، عکسينه اونون حؤکموندن چيخيرلار. سکسن ايلدير «ايران» دئييلن اؤلکه ده زوراکيليق، ايستيبداد ماشيني مظلوم خالقلاري ازه-ازه، اؤز لياقتيني قوروماق ايسته ين اينسانلاري زيندانلاردا چوروده-چوروده، بيله رکدن يا بيلميه رکدن آنتي يسلام خطي يورودورلر. ايسلام اينسانا اؤز قورولوجولوغوندا، عملينده، خوصوصاً ده دوشونجه سينده آزادليق وئرن بير ديندير. بو، جمعيتده کي  دورغونلوقلا، احکامچيليقلا، عنعنه  آدينا ياشاديلان معناسيز ايطاعتکارليقلا بير آرايا سيغمير. بونو قورانين ان مشهور تفسيرچيلريندن ميصيرلي ال-کورتوبي، سورييالي ايبن-قاسير، مشهور آذربايجان-تورک عاليمي جمالدين افغاني نين شاگيردي محمد عبدو، هينديستانلي يوسيف علي، پاکيستانلي المايدودي، ايسلامي قبول ائتميش آوروپالي محمد آساد (لئپولد وايس)، ميصيرلي سعيد کوتب و ساير اونلارلا عاليمين اثرلري ده تصديق ائدير. 

  ايسلامدا ان يوکسک ديرلردن بيري آزادليقدير. اونون محدودلاشديريلماسي گوناهدير. بونا گؤره ده قورانين 43-جو سوره سينده کؤهنه عرب عنعنه لريني قوروماق ايسته ينلرين اينسانين روح و معنويات آزادليغيني موختليف سياسي و ايجتيماعي سيستئملرين قولونا چئويرمک تهلوکه سينه قارشي يالنيز آللاهين حيکمتينه ياراشان بير اوزاقگؤرنليکله دئييلميش کاميل بير آيه وار. دونن عربيستاندايدي، بو گون ايراندا و يا آذربايجاندا - نه فرقي؟  

  آللاه اينسانين آزادليغي نين بوغولماسينا، اونون موختليف ايجتيماعي-سياسي سيستئملرين قولونا چئوريلمه سينه قارشيدير. يئنه همين سوره ده آچيق دئييلير: اينسانلار جمعيتده بير-بيرينه باغلي اولسالار دا، بير-بيريندن آسيلي اولماماليديرلار. اينسانلارين ايجتيماعي مسئوليتي نين، دؤولت قارشيسيندا بورجونون - اونون شخصي آزادليغينا انگل اولماماسيني، بشر برابرليگيني بوندان گؤزل نئجه دئمک اولار؟  

  قورانا گؤره، آللاه بير خالقي سئچيب اونا پئيغمبر گؤندريرسه و او خالق بوندان عاغيللي ايستيفاده ائده بيلميرسه، اونو دا فيرونون عاقيبتي گؤزله يير. منجه، بو هم ده حاکيميتلره عاييددير. آللاهين فورصت وئريب اوجالتديغي بير حاکيميت حؤکمونه باغلي اولان خالقلارلا، اينسانلارلا عاغيللي، عدالتلي رفعتار ائتميه جکسه، آللاه اونو رذيل گونه قوياجاق. يوز ايللردير تاريخ بونو دؤنه-دؤنه تصديق ائديب. منجه، ايرانداکي مظلوم ميلتين حاقيني تاپدالايان فارس شووينيست ايداره چيليگيني ده بئله بير عاقيبت گؤزله يير.

  قورانا گؤره، تيرانلار، حؤکمدارلار چوخ خالقلاري آلداديبلار، اونلارين گؤزلريني باغلاييب، ائلمه آپاران يوللاريني کسيبلر (بو گون ايران حاکيميتي نين تورکلري ائلمدن، تحصيلدن، آنا ديليندن کناردا ساخلاماق جهديني جناب آللاه گؤرون نئجه دقيق ايفاده ائتميشدير!) لاکين بو يوللا، روحسوز، ايراده سيز، دوغرو يولدان آزميش خالقلاري عزمک اولار، اؤزونو درک ائدنلري يوخ! شخصاً من فارس رئژيمي نين بوتون جيد-جهدينه باخماياراق، اؤز خالقيمي روحسوز و ايراده سيز سايميرام. ايکي يوز ايلليک روس آسيميلياسيياسي نين نتيجه سيزليگي گؤز قاباغيندادير.  

  قورانا گؤره، اينسان آللاهين اونا وئرديگي تورپاغي، سويو، طبيعتي، مادي و معنوي نعمتلري، او جومله دن اؤز ديليني قوروماغا بورجلودور. بونا قارشي چيخانلار آللاهين ايراده سينه قارشي چيخيرلار. دئمه لي، بيزي بوتون بو دئييلن ديرلريميزدن، او جومله دن ديليميزدن قوپاريب فارسلاشديرماغا چاليشان ايسلام جومهوريتي بؤيوکلري قوراندان و آللاهدان قورخمور، آللاها يوخ، شووينيست، فارس شئيتانلارينا خيدمت ائديرلر.  

  ايسلامين ماتئرياليزم، مارکسيزم، سوسياليزم کيمي دونياگير فلسفه لردن چوخلو اوستونلوکلريندن بيري ده اينسانا مادي نعمتلر ايستحصالچيسي کيمي يوخ، ايلاهي ثروت کيمي باخماسيدير. معنويات، اخلاق، اينام و دوروستلوک!.. اينساني اينسان ائدن بونلاردير. اؤز ميللي کؤکوندن قوپاريلميش خالقين هانسي معنوياتيندان، اخلاق و دوروستلوگوندن دانيشماق اولار؟ اخلاقين بيرينجي علامتي دؤشوندن سود امديگين آللاه بنده سينه اونون لايلا سؤيله ديگي ديلله، اؤز آدييلا «آنا» دئيه موراجيعت ائده بيلمکدير. 

  بونو چوخ گؤزل بيلن، آما اهميت وئرمه ين ايران جومهوريتي «ايدئولوقلاري» «جومهوريت» سؤزونون قاباغينا «ايسلام» سؤزونو هانسي هاقلا قويا بيليرلر؟  

  دين - خئييرخواهليق، گؤزلليک، يوکسه ليش يولودور. اؤز لوغتي معناسيندان گؤروندويو کيمي، ياشام طرزيدير. ايراندا اينسانلاري حوقوقلاريندان محروم ائديب، ائوده بير جور، چؤلده باشقا جور اولماغا سؤوق ائدن، عؤمرو بويو ساختاکارليغا بويون اَيديرن، يني اونلارين ياشاييشيني طبيعي محوريندن چيخاران بير رئژيم بو يوللا اصلينده دي نين داياقلاريني محو ائدير.

  معیشتيندن توتموش ايجتيماعي حياتينا قدر، هر آن ظولمله، اينامسيزليقلا، اعتيمادسيزليقلا اوز-اوزه اولان آنا ديلينده مکتب ايسته ينلره ايشگنجه وئريلن بير دؤولتده و يا جمعيتده دي نين وارليغيندان دانيشماق گولونجدور. دينه دير وئريلن يئرده يالان، ايکي اوزلولوک (يعني آذربايجان رئسپوبليکاسي ايله بير جور، ائرمنيستانلا باشقا جور دانيشماق)، مظلوم خالقلاري ازمک اولماز! دينله دؤولتين آيريلماق ضرورتي هم ده بوندان ايره لي گلميشدير. بونلاري بيرلشديرمک ايسلامي 1400 ايل گئرييه آتماق دئمکدير.

  قورانا گؤره، دونيادا ائله بير ميلت، جمعيت يوخدور کي، اؤز آدينا و تيتولونا گؤره باشقا ميلتدن اوستون ساييلسين. عرب و فارس قارداشلاريميز ايسلام عالمينده هئگئمونلوق ايديعالارييلا بوردا دا قورانا قارشي گئديرلر.  

  قوراندا هر بير تورک اينساني نين باش اوجوندان آسيلمالي اولان آيه لر ده وار. مثلا، 2-جي سوره نين 30-جو آيه سينده آچيق-آشکار دئييلير کي، خالقلار اؤز عاقيبتلرينه گؤره مسئوليتي اؤزلري داشيييرلار. ظولمه دؤزوب باشقاسينا بويون اَينلر اؤز بدبختليکلريني ياخينلاشديرانلاردير. 

  بو ميثاللاري اوزاتماق دا اولار. آنجاق چيخان نتيجه بودور: اؤزونو ايسلام جومهوريتي سايان ايراندا ايسلاما، دينه حؤرمت يوخدور. ايران آدلي اؤلکه ده دين - آللاها خيدمت، عيبادت - جمعيتده نيظام ياراتماق، اينسانين روحونو قوروماق يولو دئييل. ايراندا ايسلام - فارس شووينيزمي نين سياسي آلتيدير، ظولمه و دئسپوتيزمه خيدمت ائدير. بونا گؤره ده اؤزو-اؤزونو اينکار ائدير و يا اؤزونو نوفوذدان سالير. 

  حؤرمتلي جناب خامنه اي! 

  سيز آللاهين آلتيندا باش وئرن حاديثه لره هم ديني، هم دونيوي ديرلر باخيميندان قييمت وئرمگي باجاران بير اينسانسينيز، بونا گؤره ده اؤلکه نيزده بيزيم سويداشلاريميز، قارداشلاريميز اولان تورکلره موناسيبتين اينسانليغا، «قوران»ا-کيتابا، بين الخالق حوقوق نورمالارينا، اينسان حاقلارينا سيغماديغيني بيلمه ميش دئييلسينيز. ائله سه ايران اهاليسي نين ياريدان چوخونو تشکيل ائدن، بو تورپاقلارين ازه لي ساکينلري اولان، بو يئرلرده فارسلاردان دا چوخ-چوخ اولدن مسکونلاشميش، يوز ايللر بويو بو اراضيده موختليف دؤولتلر قورموش، دونيادا ايرانين آدييلا تانينان مدني-معنوي ديرلرين ياراديلماسيندا عوضسيز خيدمتلري اولموش بير خالقا بو غيري-اينساني موناسيبتي نه ايله ايضاح ائده بيلرسينيز؟  

  عادتاً، ايران رسميلري بو سؤالا جاواب اولاراق بيلديريرلر کي، تورکلر بيزيم موسلمان قارداشلاريميزدير، وظيفه  توتورلار، بو خوصوصدا سيزي ميثال چکيرلر، دؤولتين ايدارئتمه سينده ايشتيراک ائديرلر، ايقتيصادي هاقلارا صاحیبديرلر و ساير. ميلتين ايستگي تکجه بوندان عيبارتديرمي؟ تأسوف کي، موسلمان قارداشليغي آدي آلتيندا ايراندا فارس شووينيزمي حؤکم سورور و حاکيميتده او تورکلر تمثيل اولونورلار کي، اونلار اؤز ميلتلري نين طالعيينه بيگانه ديرلر. 

  مگر ايسلام ديني بير ميلتين باشقا ميلتي بو شکيلده آشاغيلاماسينا، اونون آزاد دوشونجه سي نين بوغولماسينا، ديلي نين، مدنيتي نين محوينه، زورلا ازيليب آسسيميلياسييا ائديلمه سينه حاق قازانديرير؟ شخصن سيز بير تورک اولاراق ميلتينيزين بو آجي طالعييندن ناراحاتليق حيسي کئچيرميرسينيزمي؟  

  اون ميليونلارلا موسلمان تورکون آنا ديلينده اوخويوب-يازا بيلمک حوقوقوندان محروم ائديليب، مکتبسيز، مدنيتدن کنار ساخلانيلديغي حالدا، «گاوور» دئديگينيز بير اوووج ائرمنيني «ديني آزليقدير، اونا گؤره حاقلاري تانينير» - دئييب حيمايه ائتمگينيز هانسي منطيقه و معنوي ديره سؤيکه نير؟ خريستيان دئييل، تورک-موسلمان اولماغيميز بيزيم گوناهيميزديرمي؟  

  يوز سکسن ايل اؤنجه تورکلري قافقازدان سيخيشديرماق مقصديله ايراندان، تورکييه دن کؤچورولوب قاراباغا يئرلشديريلميش، ايندي سايي 60-70 مين نفردن چوخ اولمايان ائرمني اهاليسينه آذربايجاندا موختاريت ده وئريلميشدي. اونلار حتّی بونا دا قانع  اولماديلار، اؤزو ده واختيله باشدان-باشا تورک يوردو اولموش ايروان خانليغي نين يئرينده قورولموش ائرمنيستان اراضيميزين يوزده يگيرميسيني ايشغال ائتدي؛ آما بوتون بو ايشغال مودتينده ايران ائرمنيستانين ان بؤيوک يارديمچيسي اولدو، بير ميليوندان آرتيق موسلماني يوردسوز-يوواسيز قويانلارا، اؤلدورنلره موختليف يوللارلا دستک وئردي، آذربايجانين دوشمنلرينه سياسي، ايقتيصادي، معنوي يارديميني اسيرگمه دي.  

  آذربايجان تورکلري معنوي ديرلره يوکسک قييمت وئرن مرحمتلي بير خالقدير. حاکيميت اونلارين الينده اولاندا ايراندا بوتون ميلتلرين اينکيشافي اوچون شراييط ياراديليب. لاکين پهلوي رئژيمي تورک ايداره چيليگي نين بو تولئرانتليق عنعنه لريني محو ائتدي و بو يوللا ايران دؤولتي نين معنوي داياقلاريني سارسيتدي. بو گون ده اؤلکنيزين موختليف مطبوعات اورقانلاريندا تورکلر تحقير اولونور، بونا اعتيراض ائدن سويداشلاريميز ايسه دسته-دسته زيندانلارا آتيلير، عادي حاقلاريني طلب ائتديکلرينه گؤره دهشتلي ايشگنجه لره معروض قاليرلار. بو اونو گؤسترير کي، «ايسلام جومهوريتي» آدينا قورولموش اينديکي حاکيميت تورکلره موناسيبت باخيميندان پهلوي رئژيميندن هئچ نه ايله فرقلنمير. 

  حؤرمتلي جناب خامنه اي! 

  بيز، دونيا آذربايجانليلاري کونقرئسي ايرانداکي قارداش و باجيلاريميزين طالعيينه هئچ جور بيگانه قالا بيلمريک. حاقلاريميزي طلب ائتمگيميز بيزيم ايرانا قارشي دوشمنچيليگيميز دئمک دئييل. بيز هر جور موحاريبه يه و تئرروريزمه قارشيييق. آنجاق اؤز خالقلاري نين حاقلاريني تانيمايان دؤولت موطلق داغيلماغا و پارچالانماغا محکومدور -دونيانين نهنگ گوجلريندن و نووه دؤولتلريندن بيري و ان بؤيويو اولان سسري-نين و يوقوسلاوييانين طالعيي بونا ثوبوتدور.  

  ايراندا آنا ديلي اوغروندا موباريزه ده و تورکلرين تحقيرينه قارشي آياقلانمادا اونلارلا گوناهسيز قارداشيميزين حبسي هر بير آذربايجانليني جيدي شکيلده ناراحات ائدير. اؤلکه ده تورکلره قارشي آپاريلان بو ايرتيجاچي سيياسته سون قويولماليدير! حاق نازيكلر، آما اوزولمز! ستارخاني، خيابانيني، سيد جعفر پيشه وريني، شهريياري يئتيشديرن ميلت اؤلمه ييب! 

  بو ميلتدن و آللاهدان قورخون! 

قایناق اویرنجی